Formación e Apoio ao Desenvolvemento e a Aprendizaxe da Sexualidade
O programa FADAS vai dirxido ós centros de atención ás pesoas con diversidade cognitiva, proporcionamos formación, materiais e acompañamento técnico.
É un programa que deseñamos conxuntamente co equipo do centro respondendo ás súas peticións.
O programa xurde das consultas de moitos profesionais do sector sobre o xeito de acompañar a sexualidade nas persoas con discapacidade.
A nosa resposta foi elaborar programas de educación sexual adaptados ás súas necesidades de aprendizaxe, continuados no tempo, científicos, metódicos e con obxectivos ben determinados.
Programas educativos en grupo combinados con sesións individuais, dirixidas tanto a persoas con diversidade cognitiva como ás súas familias.
A seguinte pregunta era a de quén tiña que levar a cabo estes programas. A nosa proposta é que a educación en grupo a leven a cabo os profesionais do centro cunha formación previa por parte de especialistas en educación sexual, estes especialistas tamén achegarán as unidades didácticas adaptadas ás capacidades de aprendizaxe de cada grupo. Con esta formación e estes materiais didácticos os profesionais estarán capacitados para poñer en marcha o programa de centro.
Os dous elementos básicos sobre os que traballamos son: a peculiar sexualidade da persoa con diversidade intelectual e os seus propios sistemas e ritmos de aprendizaxe.
Cómo superar esta “dificultade”?
Si temos en conta que a sexualidade é de por sí peculiar en todas as persoas con e sen discapacidade, a resposta a esta pregunta é un programa de educación sexual, no que o método educativo estea adaptado ás necesidades e ás capacidades de aprendizaxe da persoa.
Nesta liña de traballo é fundamental formarnos adecuadamente para responder ás súas preguntas e para apoialos na aprendizaxe da súa propia construción. É unha cuestión que afecta exclusivamente o método de ensino, e isto ten que ver máis coa capacidade pedagóxica dos profesionais da educación e das familias, que coa capacidade cognitiva da persoa coas que estamos a traballar.
FASES DE FADAS (PROGRAMA MARCO)
Velaquí algúns dos seus testemuños:
Son Feliciano Valcárcel xerente do Centro S. Xerome Emiliani da Guarda. Levo a friorenta de 32 anos neste proxecto de apoio a Persoas con discapacidade do Baixo Miño.
Desde o primeiro momento no que cheguei a S. Xerome engancheime coa visión de que o apoio que ofrecemos ás nosas persoas discapacitadas grandes e belas tiña como referencia o crecemento persoal de cada unha en liberdade de crenzas e valores, orientada á xestión de todo aquilo que sexa do seu interese para o seu benestar absolutamente integral.
É por iso que a sexualidade sempre estivo no centro da nosa intervención e grazas a FADAS puidémolo concretar como un programa que axuda a crecer, a integrar e acompañar a xestión afectivo sexual de nosa/os usuaria/os.
O resultado de todo este traballo é que acompañamos a persoas sas e familias sas que falan e buscan solucións ás súas necesidades afectivo sexuais e ofrecemos á/os traballadora/é materiais de traballo e formación de altísima calidade que lles axudan a sentirse segura/os para acompañar tamén nesta dimensión fundamental da persoa.
Grazas FADAS, grazas Débora!